Dy fëmijë janë përplasur nga një makinë pranë shkollës së tyre në Peshkopi.
Dyshohet se makina tip Benz me targa AA 940 LP po ecte me shpejtësi kur fëmijët po kalonin rrugën.
Ngjarja ka ndodhur paraditen e sotme para shkollës “Demir Gashi”. Dy të dëmtuarat P.K., 12 vjeçe dhe S.H., 10 vjeçe u dërguan për ndihmën e nevojshme në spital, ku ndodhen jashtë rrezikut për jetën, ndërsa drejtuesi i mjetit Oltjon Arapi 29 vjeç, u shoqërua në polici.
Nuk dihen ende rrethanat se si ka ndodhur ngjarja, ndërsa uniformat blu kanë nisur hetimet.
