“Ajo që më intereson mua, është që drejtësia të vihet në vend dhe dua të shtoj se z.Frroku është shqiptar, viktima është shqiptar, gjithçka ndodhi në një rreth shqiptar, ndaj mendoj se vendi më i mirë për t’u gjykuar është këtu”, kështu është shprehur Prokurori Federal i Belgjikës Frederic Van Leeuw.
Me anë të një interviste për emisionin “Opinion” lidhur me rastin e deputetit Mark Frroku dhe akuzat ndaj tij për vrasjen e një shqiptari në vitin 1999 në shtetin belg ai ka thënë se Frroku është objekt i një procedure ende në hetim, e cila pavarësisht të gjitha gjasave, ajo ende nuk është mbyllur.
Leeuë tha se ka patur një procedim në Gjykatën Penale, një dënim, por Gjykata e Lartë për arsye procedurale ka shfuqizuar këtë masë dënimi dhe çështja nuk është mbyllur ende në Belgjikë.
Ai tha se në të njëjtën kohë, në Shqipëri po zhvillohet edhe një hetim, po presim të shohim se çfarë do të dalë nga ky hetim në Shqipëri.
Ndërsa ka theksuar se Frroku është në Shqipëri dhe Shqipëria nuk ekstradon shtetasit e saj.
Kryeprokurori i Belgjikës nënvizoi ndër të tjera se Mark Frroku është këtu dhe do të ishte shumë e ndërlikuar për ne që ta merrnim nga një shtet që nuk i ekstradon shtetasit e tij.
“Mendoj se është e rëndësishme që në kuadër të drejtësisë, drejtësia të bëhet dhe ku duhet të mbrohet z.Frroku për akuzat e ngritura ndaj tij”.
