Renato Cepa është personi të cilit iu vodh identiteti nga Arben Frroku, i dënuari me burgim të përjetshëm. Renato është nënshtetas grek.
Ai thotë për Report Tv se nuk ka asnjë lidhje me Arben Frrokun dhe se jeta e tij është shkatërruar nga kjo histori.
“Qe ne momentin e pare kur doli kjo histori jam ndjere vertet shume keq. Nuk kam te bej fare me kete histori dhe po me shkaterrohet familja nga e gjithe kjo situate. Nuk jam larguar nga shtepia asnjehere madje kam shkuar edhe ne Polici dhe Prokurori me deshire per te mesuar me shume por me kane thene qe nuk ka asnje urdher ndalimi per mua. Nuk e di nga kane dale te tilla fjale.
Renato u shpreh se dokumentat e tij i ka në shtëpi dhe nuk di asgjë për gjithë këtë histori ku është përfshirë emri i tij.
“Une te gjitha dokumentat e mia i kam ne shtepi. Jam nenshtetas grek,”. Më tej Renato thotë se hera e fundit kur ka lëvizur drejt Greqisë ka qenë këtë të mërkurë për të bërë kursin e patentës greke, ndërsa në Maqedoni ka qenë djali i tij per te blere karburant per makinen. “Nuk kam asnje lidhje dhe nuk e di si eshte gjetur ai person me identitetin tim apo nga e ka gjetur pasi une te gjitha dokumetat i kam ne shtepi. Po kaloj nje moment mjaft te veshtire per shkak te zerave qe po qarkullojne rreth meje.” tha ai.
