Lojtari i Bundesliga-s, Niklas Feierabend i Hannover 96 ka humbur jetën në një aksident automobilistik. Këtë e konfirmoi vetë ekipi në faqen zyrtare. Feierabend ishte vetëm 19 vjeç.
“Paraditen e sotme morëm lajmin e tmerrshëm. Sulmuesi ynë 19 vjeçar ka humbur jetën pas një aksidenti automobilistik,” shkruhej në faqen e ekipit. “Ngushëllimet tona i shkojnë familjes dhe shokëve. Kjo ngjarje na ka shokuar të gjithë, kolegët, trajnerin, tifozët dhe të gjithë ambientin e Hannover 96. Niklas, nuk do të harrojmë kurrë.” Hannover 96 sapo i kishte rinovuar kontratën deri në vitin 2018 sulmuesit premtues. Ndeshja e ekipit të dytë të Hannover është anuluar për shkak të aksidentit.
