Ja ku është një shifër e madhe për ju: 10 miliardë.
Ky është numri i videove që shikohen në Snapchat çdo ditë. Një numër ky shumë më i lartë se 8 miliardë që ishte numri i videove që shikoheshin çdo ditë dy muaj më parë.
Ndërkohë numri shpërndarjeve në Facebook raportohet ë jetë ulur. Facebook nuk e zbulon numrin e përmbajtjeve –status, përditësime, foto, shënime etj- qe njerëzit shpërndajnë çdo ditë por duket se ato janë ulur.
Të jemi të qartë: Facebook do të jetë shumë mirë. Atij i janë shtuar 60 milionë përdorues të rinj vetëm tremujorin e fundit (më shumë se gjysma e përdoruesve total të Snapchat) dhe ka 1.65 miliardë përdorues që e përdorin atë të paktën një herë në muaj.
Por pa gabuar, Snapchat është rivali më i madh i Facebook për momentin dhe ja përse:
– Snapchat po rritet shumë shpejt dhe po tërheq një bazë përdoruesish të shumëllojshëm.
Në vetëm një vit shikimet e videove në Snapchat u rritën nga 2 miliardë në 10 miliardë shikime në ditë ndërkohë që për Facebook u rritën nga 4 miliardë në 8 miliardë shikime në ditë. Të dyja rrjetet sociale po rriten por Snapchat po rritet më shpejtë
– Snapchat ka dy cilësi që Facebook i do patjetër: filtrat, janë shumë tërheqës dhe Facebook dëshiron të ketë diçka të tillë në aplikacionin e tij. Snapchat ka aftësinë që të zhdukë gjithçka pas 24 orësh dhe ky është një tjetër tipar mjaft tundues që i mungon Facebook-ut.
– Njerëzit po shpenzojnë gjithmonë e më shumë kohë në Snapchat gjë që shkurton kohën që ata kalojnë në Facebook. Njerëzit shpenzojnë mesatarisht 25-30 minuta në ditë në Snapchat që është më pak se 50 minutat që shpenzojnë çdo ditë në Facebook, Instagram dhe Messenger, por që gjithsesi koha e shpenzuar ne Snapchat mund të ishte e kaluar në Facebook.
