Një grabitje ka ndodhur mesditën e sotme në Shkodër dhe më pas policia e vënë në alarm ka rrethuar autorët.
Një skenë e denjë për filma aksion është zhvilluar në qytetin e Shkodrës, në lagjen “Rus’ ku 4 grabitës të pikasur nga policia ndërsa kryenin një grabitje, janë rrethuar nga forca të shumta por nuk dorëzohen.
Ata u izoluan në një apartament në katin e katërt, banesë e biznesmenit Sabah Rrëshketa ndërkohë që ka pasur edhe të shtëna.
Pavarësisht se në operacion përveç forcave të Policisë së Shkodrës kanë qenë edhe Forcat e Ndërhyrjes së Shpejtë, autorët kanë mundur të largohen. Policia ka prangosur vetëm bashkëpunëtorin.
Ndërkohë në të gjithë Shkodrën janë ngritur postblloqe dhe forca të shumta po mbajnë nën vëzhgim rrugët hyrëse e dalëse të qytetit.
