Pasimin e artë, këtë herë, ia dha fati. Një penallti me skuadrën në disavantazh të dy golave, në shtëpi kundër Frosinone, për të nisur kthesën. Në pikën më të ulët të këtij sezoni të dhimbshëm për Milan, Mario Balotelli pati mundësinë për të lënë shenjën e tij, në një mënyrë që ka treguar se e pëlqen, me penallti, një kundër një me portierin kundërshtar, specialiteti i sulmuesit italian, i cili kishte shënuar 28 herë nga pika e bardhë në 30 tentativa. 28 gola në 31 goditje, duke nisur nga dita e sotme, pasi tentativa e tij ndaj Frosinone u prit nga Francesco Bardi. Milani i ri nën drejtimin e Brocchi mbeti në vendnumëro, ashtu si Balotelli, talenti premtues që gjithmonë mbeti i tillë pa arritur aty ku pritej.
Mario Balotelli humbi penalltinë kundër Frosinone “Mario e di që e duam shumë. Duhet të luftojë për të mbajtur vendin në ekip në këto ndeshje të fundit,” – kjo ka qenë deklarata e Adriano Galliani, drejtuesit të Milan që ka bërë gjithçka për ta motivuar. Ndeshja e luajtur kundër Juventus, e fundit në urdhrat e Mihajlovic tregoi për një Balotelli me dëshirë për të bërë mirë dhe shumë i rrezikshëm para portës së Buffon, por pas ndryshimit të trajnerit, edhe pse Brocchi e ka aktivizuar gjithmonë, Balotelli nuk ka bërë asgjë: asnjë gol, asnjë asist. Mario ka shënuar një gol në Serie A dhe dy gola në Kupën e Italisë gjatë gjithë këtij sezoni me AC Milan, që e huazoi nga Liverpool. Blerja përfundimtare tanimë ngjason me një utopi…
