Ndërmarrja e Ujësjellësit të Kanalizimeve në Tiranë ka nisur një aksion për të ndërprerë të gjitha tubacionet e paligjshme të ujit.
Me anë të një njoftimi për shtyp aksioni do të përqendrohet fillimisht në tubacionin kryesor që furnizon kryeqytetin dhe në atë që furnizon Dajtin.
“Aksioni do të ndërmerret pas denoncimeve të bëra nga banorët e zonës për ndërhyrje të paligjshme në sistemin e tubacioneve”, thuhet në njoftim.
Në të saktësohet më tej se, aksioni për prerjen e lidhjeve të paligjshme do të vijojë më pas në zonën e Kasharit.
