Policia e Elbasanit ka vënë në pranga dy persona të cilët dyshohen se vidhnin banesa.
Gjatë ditës së djeshme u bë ndalimi i R.P., 14 vjeç dhe Fation Peqinit, 20 vjeç, banues në Elbasan. Ata u arrestuan pasi kanë tentuar të vjedhin banesën e shtetasit E.J., 39 vjeç, banues në Elbasan.
Akuzat:
Dyshohet se gjatë natës kanë vjedhur banesat e R.V., 25 vjeç, ku mendohet të kenë marrë sende me vlerë rreth 15000 lekë të reja dhe F.Sh., 67 vjeç, ku kanë marrë një sasi lekësh prej 220 000 lekë të reja. 14- vjeçari i ndaluar, gjatë ditës së djeshme dyshohet të ketë vjedhur biçikletën “Bullus” në pronësi të G.Q., 67 vjeç.
Në ngarkim të ndaluarve materialet i kaluan Prokurorisë së Elbasanit për veprën penale “Vjedhje, kryer në bashkëpunim, mbetur në tentativë”.
