Përshkallëzohet situata në Bagdad. Aktivistet shiitë irakianë janë futur me forcë në ndërtesën e Parlamentit, në protestë kundër ngërçit të vazhdueshëm politik për aprovimin e kabinetit të ri. Sipas mediave ndërkombëtare, qindra përkrahës të klerikut shiitë, Moqtada Sadr, u futen përmes portave të Zonës së Gjelbër të mbrojtur, pasi që deputetet dështuan të pajtohen për një votë. Sakaq, po të njëjtat burime theksojnë se protestuesit kanë filluar ta përmbysësin ndërtesën e Parlamentit.
Moqtada Sadr kërkon që kryeministri Haoder al-Abadi të bëjë një plan për t’i zëvendësuar ministrat me ministra teknokratësh jopartiakë. Partitë e mëdha në Parlament kanë refuzuar që të aprovojnë ndryshimin për javë të tera. Prej kohësh sistemi i Irakut për ndarjen e punëve në Qeveri ka kohë që kritikohet për promovimin e kandidatëve të pakualifikuar dhe për nxitjen e korrupsionit.
Kryeministri Abadi e mori pushtetin në vitin 2014, ka premtuar së do ta largojë korrupsionin dhe se do t’i largojë tensionet sektariane, por ka dështuar deri më tani që të zgjedh kabinetin e ri teknokratësh.
