Përcaktimi i drejtuesve të 12 qarqeve në Partinë Demokratike nuk ka kaluar pa kundërshtime.
Sekretari për Aksionin Qytetar, Ervin Salianji ka kundërshtuar vendosjen në krye të disa qarqeve të ish ministrave të qeverisë Berisha.
Sipas tij në krye të qarqeve duhet të jenë emërime të Lulzim Bashës dhe jo emra që janë përfolur gjatë tetë viteve kur vendin e drejtonte Partia Demokratike.
Konkretisht, nga 12 qarqe, në 7 prej tyre drejtues do të jenë ish- ministra të kabinetit Berisha.
Në të njëjtën kohë Salianji ka kundërshtuar edhe shtimin e degëve të Partisë Demokratike nga 37 në 65.
Por qëndrimet e tij janë hedhur poshtë nga kryetari i PD-së, Basha, i cili ka propozuar rrëzimin e propozimeve të Salianjit.
