Modelja dhe aktorja e njohur shqiptare Lola Luma i ka dhënë fund beqarisë. Ajo është martuar me djalin e ish-ambasadorit shqiptar në Izrael.
Luma nga Shkodra por që jeton në SHBA prej vitesh është martuar në fshehtësi të plotë dhe mes të afërmve e familjarëve të saj në Amerikë, duke mos preferuar që dasma e tyre të realizohet ne Shqipëri, ashtu siç ishte menduar një vit më parë.
Luma për ditën më të veçantë të jetës së saj ka qenë e veshur shumë thjeshtë, por me mjaft fines dhe klas.
Modelja e suksesshme shqiptare për një kohë ka qenë imazhi i kompanisë së njohur “Jovani”, por ajo duket se nuk do ndalet me profesionin e saj edhe në të ardhmen, duke sfiluar për brande të ndryshme në Amerikë.
Ajo ka sprovuar veten edhe në aktrim, duke luajtur rolin e Norës së Kelmedit.
