Me anë të një letre, Ministri i Drejtësisë, Ylli Manjani i është drejtuar gjyqësorit me propozime për organizimin e tij në të gjithë territorin.
“Të synohet një gjykatë efiçente, por edhe e aksesueshme. Gjykata të shkojë tek qytetarët dhe jo vetëm qytetarët tek gjykata”, shkruan Manjani në letrën e tij.
Letra e Manjanit i drejtohet aktorëve kryesorë të sistemit të drejtësisë në vend dhe në të kërkohet që gjykata të jetë një institucion më pranë qytetarëve.
Shefi i drejtësisë shqiptare nënvizon se, “kjo nismë i paraprin ligjit që po përgatitet nga komisioni i reformës”.
