Pas analizën psikologjike të stadiumit të ri “Arena Kombëtare” nga deputetja e PD-së, Arbjola Halimi, që krahasoi kullën me “penisin” ajo ka reaguar përsëri duke thënë se kjo i dhëmbi Ramës.
“Kaq shumë i dhembi kryeministrit kjo puna e interpretimit të preferencave në psikoanalizeë sa vuri ne sulm ushtaret e tij mediatike. Por Psikologjia eshte profesioni im dhe pasioni im qe kam pasur gjithe jeten e nuk e braktis kurre” është shprehur ajo në një tjetër postim në faqen e saj “Facebook”.
Një ditë më parë Halimi shkruante: “Sipas psikoanalizës ajo gjëja si shtyllë e gjatë në projektin e stadiumit është simbol…dhe njerëzit përdorin simbole të atyre gjërave që preferojnë më shumë”.
Sot Arbjola Halimi bën një tjetër status sqarues. Kësaj radhe e përmend me emër kryeministrin Rama që në statusin e parë e kishte lënë të nënkuptuar.
