Të bëhesh nënë të ndryshon jetën, sigurisht në një mënyrë pozitive.
Por aq shumë gëzim dhe shumë emocione shpesh janë të shoqëruara me stres të pabesueshëm. Këto përkeqësohen nga mungesa e gjumit, këshillat e pakërkuara nga të afërmit dhe miqtë, vështirësitë edhe fiziologjike, etj. Gjëja më e rëndësishme është të merrni frymë thellë dhe të rifokusoheni tek vetja. Për ta bërë këtë, ju duhet të dini për të deleguar. Këshilla e parë është, pa dyshim, të shpëtoni nga kritikat, gjykimet dhe njohuritë absolute. Nëna e re ka nevojë për qetësi dhe të jetë në gjendje për të ndjekur lirisht instinktin e saj të mëmësisë.
1. Jo, të gjithë në aksion- Kur lind një fëmijë është e natyrshme që miqtë dhe familja do të konkurrojnë për ta parë atë dhe për të vizituar prindërit e rinj. Ky lloj i situatës, megjithatë, mund të vërë në siklet nënën e re që ndihet nën presion. Lodhja e lindjes, përvoja me gjirin, humori i ndryshueshëm…të bëjnë absolutisht të të merret fryma. Pra, të paktën në javët e para, është e rëndësishme që ta lini familjen e re të jetë vetëm me fëmijën. Vizitat shtyjini në një kohë emocionalisht dhe fizikisht më të qetë.
2. Dalja nga shtëpia- Nëna e re nuk duhet ta mbyllë veten në shtëpi me fëmijën. Foshnja, në fakt, mund të nxirret jashtë duke nisur që nga ditët e para të jetës. Gjëja e rëndësishme është që të mos shkojë në vende të mbushura me njerëz (transport publik, qendrat tregtare, etj …) të paktën jo javët e para të jetës. Por ecja çdo ditë, madje edhe e zgjatur, është një bekim i vërtetë për nënën dhe fëmijën. Duke u larguar nga shtëpia, së bashku me fëmijën e saj, ndihmon nënën për të rifituar vetë-perceptimin, për marrjen e oksigjenit dhe të ndihet pjesë e botës. Ideja se do të takohet me nëna të tjera dhe do të bëjë shëtitje të gjata me karrocë duke biseduar e relakson.
3. Kujdesi për veten- Për një nënë të re, të kujdeset për veten nuk do të thotë duke u përpjekur dëshpërimisht për t’u rikthyer përsëri në formë në një kohë rekord. Në të vërtetë, duke u kujdesur për veten do të thotë të respektojë kohën e nevojshme për ta marrë veten. Për të promovuar mirëqenien është mirë të ndiqet një dietë e ekuilibruar dhe natyrale. Pini shumë lëngje për të rihidratuar trupin dhe për të inkurajuar dhënien e gjirit. Një dush është jo vetëm freskues, por edhe qetësues, gjatë kësaj kohe fëmija mund të qëndrojë me babain, me një mikeshë ose me gjyshërit.
4. Hapu me partnerin- “Baby blues” apo depresioni pas lindjes, të dyja këto kushte janë të lidhura shpesh me mungesën e dialogut me partnerin. Në fakt, jo të gjitha nënat e reja ndjehen të lira për t’u rrëfyer me babain e fëmijës, ndjenja e paaftësisë apo pafuqisë i pushton sapo fëmija lind. Nëse ka ndjesi të çuditshme mbi vetë fëmijën, e nëse partneri nuk dëgjon, është e mira për të shkuar në një klinikë ku të ndiqni këshilla psikologjike në mënyrë të veçantë të dedikuara për nënat e reja.
5. Merrni pjesë në kurse- Kurse për nënat e reja nuk zhvillohen vetëm për fazën para lindjes, por edhe për atë pas saj. Në fakt, kontakti i afërt me nënat e tjera të reja është thelbësor për të kuptuar dhe menduar se ju nuk jeni vetëm, si në gëzim dhe në dhimbje.
Burimi: TgCom24
