Prokuroria ka përfunduar hetimet dhe ka dërguar për gjykim 8 studentët që goditen me veze kryeministrin Edi Rama.
Studentet te cilët u hetuan ne gjendje te lire do te gjykohen për “goditje për shkak të detyrës” dhe “kundërshtim të punonjësit te policisë”.
Çështja do të nisë shqyrtimin ne 18 maj kur është caktuar edhe séanca e pare e cila do të shqyrtohet nga Arben Micko.
Shefi i qeverisë u qëllua me vezë nga një përfaqësi studentësh të Fakultetit të Shkencave Sociale që kundërshtojnë reformën në arsimin e lartë. Ngjarja ndodhi ne 2 nëntor te vitit te kaluar në mjediset e Fakultetit te Shkencave Sociale në Bulevardin “Gjergj Fishta”.
Rama u godit teksa la ambientet e Fakultetit të Shkencave Sociale për t’ju drejtuar automjetit të tij. Rojat e sigurisë së kreut të qeverisë kanë ndërhyrë menjëherë edhe pse munguan kamerat televizive për shkak të aktiviteti me regji qendrore gjithçka është dokumentuar përmes xhirimeve me celular.
Tetë studentë u shoqëruan në ambientet e policisë së Tiranës, dhe pas disa orësh u lanë të lirë por ndaj tyre nisi ndjekja penale./Ora news
