Zlatan Ibrahimovic dhe lojtarë të tjerë të Paris Saint-Germain janë kthyer dje nga udhëtimi në Las Vegas. Mëngjesin e sotëm ekipi ka zhvilluar seancën e parë stërvitore në “Camp des Loges” që pas ndeshjes së fituar kundër Lille. Por nuk ka qenë një stërvitje si të tjerat.
Sipas prestigjiozes “L’Equipe”, seanca stërvitore është ndërprerë për shkak të fyerjeve dhe gjesteve ofenduese mes dy lojtarëve të skuadrës: Adrien Rabiot dhe Zlatan Ibrahimovic. Sipas të përditshmes franceze kjo situatë është përsëritur tri herë para se kapiteni Thiago Silva të ndërhynte për të shmangur përplasjen fizike mes dy futbollistëve. Nuk dihet akoma arsyeja që ka shkaktuar një situatë të tillë, por është e sigurt se gjërat te PSG nuk po shkojnë aspak mirë pas eliminimit të skuadrës në çerekfinalet e Champions League nga Manchester City.
