Kreu i shtetit shqiptar Bujar Nishani u takua sot me Martin Schulz, presidentin e Parlamentit Europian, gjatë vizitës zyrtare që po zhvillon në institucionet e BE-së dhe NATO-s.
Gjatë konferencës së përbashkët për shtyp, presidenti Nishani tha ndër të tjera, se foli me Schulz edhe për çështjen e respektimit të pronës.
E informova presidentit për reformat, nevojën për të ritrajtuar respektimin e të drejtave të njeriu dhe çështjen e pronës, deklaroi Nishani.
Ai shtoi se “integrimin në BE është mekanizmi më i mirë për të gjitha kombet e Ballkanit”.
Ndërsa, Schulz kujtoi vizitën e tij në Shqipëri, vitin e shkuar.
“Jemi të vetëdijshëm se Shqipëria është një komb i madh dhe jam mirënjohës për mikpritjen në korrik”, iu drejtua Shulz Nishanit.
Për çështjen e pronave, presidenti deklaroi më herët se ka folur edhe me Presidentin e Këshillit Evropian, Donald Tusk.
Kujtojmë se presidenti Nishani e ka çuar në Gjykatën Kushtuese ligjin e ri të miratuar në parlament për pronat, por që disa ditë më parë u quajt kushtetues nga gjykata.
