Policia italiane ka zbardhur grabitjen e 7 milionë eurove në një vilë luksoze në Torino dhe ka vënë në pranga katër persona, mes tyre një shqiptar.
Sipas policisë italiane është arrestuar shqiptari Zef Zefi, 41 vjeç, serbi Denis Jovanoviç, si edhe nënë e bijë Silvi Lanza dhe Madalena Rici.
Grabitja u bë para 8 muajve në një apartament në rrugën “Giolitti”, që është zona më e pasur e Torinos ku gjenden edhe dyqanet e firmave më të mëdha të modës dhe diamanteve.
Policia ka mësuar se ishin dy gratë që kishin zënë miqësi me pronaren e apartamentit, një e moshuar pasanike italiane. Më pas ato kishin memorizuar oraret kur ajo dilte nga apartamenti dhe kanë njoftuar shqiptarin dhe serbin që të kryenin grabitjen.
Bold News
