Hyrja e Portit të Durrësit është bllokuar nga një grup punonjësish të hekurudhës dhe sindikatës të cilët dolën sot në një protestë.
Ata kërkojnë që kompania koncesionare që ka marrë portin më të madh të vendit të hedhi poshtë vendimin që ka marrë për të mos lejuar më trenat që të hyjnë në ambientet e portit, duke vështirësuar sidomos shkarkimin e mallrave.
Ndaj këtij vendimi të koncesionarit, punonjësit e hekurudhës dhe sindikatat kanë kërkuar ndërhyrjen e Qeverisë dhe autoriteteve përkatëse për ta anuluar atë.
Veç kërkesës për të lejuar hyrjen e trenave në Port, protestuesit kërkojnë që të ndalojnë shkurtimet në këtë sektor, por edhe dhënies fund të korrupsionit.
