Një ndjekje spektakolare ka ndodhur në Itali, ku një shqiptar nuk i ka ndaluar policisë pasi në makinë kishte sende të vjedhura.
Ngjarja ka ndodhur në aksin rrugor mes Peskarës dhe Montesilvanos, ku shqiptari pasi ka pikasur policinë i ka dhënë më shumë gaz makinës, duke ecur me një shpejtësi deri në 200 km në orë.
Policia, në ndjekje e sipër ka qëlluar gomat e pasme të automjetit dhe për pasojë, makina është përplasur më një murë betoni.
Sipas “ANSA”-s, pas përplasjes, policia mundi të neutralizojë shqiptarin, i cili kishte marrë disa plagë.
Ai u dërgua në spital për mjekim, ndërkohë shoqërohej nën masa të rrepta sigurie.
Gjatë kontrollit të makinës, atij iu gjetën disa sende të vjedhura nga një vilë në Peskara.
Referuar mediave italiane, shqiptari është identifikuar si Pashk Piroli.
