Një tragjedi për të cilën askush nuk di të japë një shpjegim për çfarë ka ndodhur. Një adoleshent shqiptar, 15 vjeç është vetëvrarë duke u hedhur nga taraca e një objekti në Brescia, Itali.
Ngjarja ka tronditur të gjithë komunitetin e zonës.
Sipas gazetës lokale të këtij qyteti, adoleshenti ditën e djeshme është hedhur nga tarraca e objektit fetar të shenjtores “Madonna del Castello” pasi një vajzë e kishte hequr nga lista e miqve në Facebook.
Ky është i vetmi motiv që japin edhe autoritetet italiane.
Djali pak para se të hidhet nga tarraca ka bërë një fotografi, të cilën më pas e ka postuar në Instagram.
Në të ai kishte shkruar datën e lindjes dhe datën në të cilën u vetëhodh.
Familjarët janë të shokuar nga ky veprim i djalit të tyre 15-vjeçar dhe janë në gjendje të rëndë psikologjike.
