SHBA ka menduar një taktikë e re për të inkurajuar më shumë arabët sunitë për t’iu bashkuar luftëtarëve kurdë në verilindje të vendit.
Kështu, Barack Obama do të dërgojë 250 trupa shtesë në Siri, në mbështetje të milicisë lokale dhe luftës së saj kundër militantëve të Shtetit të dhunshëm Islamik.
Dislokimet e reja e çojnë në 300 numrin e forcave amerikane me rol joluftarak në Siri.
Dërgimi i trupave të rregullta tokësore në shtetin e munduar nga lufta civile e pas saj, nga shtrirja e ISIS-it vazhdon të përjashtohet si mundësi nga shefi i Shtëpisë së Bardhë.
Përpjekjet ushtarake, sipas Obamës, nuk e zgjidhin dot të vetme situatën e dhimbshme, por tmerrësisht komplekse të Sirisë.
Pjesa dërrmuese e personelit shtesë do të përbëhet nga forca speciale operative. Grupi, nga sa raporton “Associated Press”, do të përfshijë edhe mjekë e trupa logjistike.
Një ditë më parë, Obama u shpreh “thellësisht i shqetësuar” nga përshkallëzimi i dhunës në Siri, ndërsa opozita e atjeshme akuzon qeverinë se ka shkelur armëpushimin e arritur me ndërmjetësimin e Shteteve të Bashkuara dhe Rusisë.
