Gjyqtari italian Nicola Rizzoli, njeriu që drejtoi finalen e Botërorit të fundit të futbollit mes Gjermanisë dhe Argjentinës, ka folur sot për aplikimet e reja që do të përdoren në futboll dhe që kanë lidhje me teknologjinë. Gjyqtari më i mirë italian dhe një ndër “bilbilat” më të mirë në botë është shprehur se duhet kujdes në lidhje me ndryshimet, për të mos humbur bukurinë e sportit. “Personalisht nuk më pëlqen shumë fjala moviola. Jemi në një epokë, ku një gjyqtar ka 20-30 telekamera që ndjekin çdo gjë që ndodh në fushë, ndaj ju garantoj se asnjë gjyqtar nuk i bën gabimet qëllimisht”, shprehet Rizzoli. Momenti i anullimit të një goli dje për Fiorentinën ndaj Juventusit Rizzoli, shprehet se çdo gjë duhet menduar mirë para se të aplikohet në fushë.
“Jam dakord për të ndalur lojën pak sekonda për të ndërhyrë në një vendim përmes moviolës, por kur ajo kërkon minuta, atëherë jam kundër. Pasi kështu do të deformohej ajo lojë e bukur që quhet futboll, ndërkohë që në futboll vendos objektiviteti. Jam më i prirur të pranoj përdorimin e teknologjisë në fushë, që ndihmon shumë në rastet e dyshimta se sa ndalesën e lojës dhe parjen e situatave në ekran”, thotë Rizzoli, që të dielën ishte protagonist i një goli të akorduar në favor të Sampdorias pikërisht falë teknologjisë, pasi topi e kishte kaluar vijën fatale të Lazios. Rizzoli dhe Messi gjatë finales së Botërorit Sezonin tjetër pritet që të ndryshojë rregullorja dhe gjyqtarët e Serisë A mund të flasin pas ndeshjes.
“Ky është një eksperiment që mund të jetë efikas, për të nisur një dialog pas ndeshjes më gazetarët dhe trajnerët. Kjo mund të ndodhë në ndeshje të caktuara. Të shohim nëse të tjerët kanë dëshirë të dëgjojnë edhe arsyetimin tonë për vendimet e marra. E di që do të jetë e vështirë për njerëzit të pranojnë vendimet tona, por ky është futbolli”, tha Rizzoli, që i pyetur për penalltinë e mos dhënë në minutën e 93-të në Barcelona-Atletico, shtoi: “Në atë situatë elementët që vlerësova ishin të ndryshëm. Këmbët ishin jashtë zonë, trupi brenda dhe nuk ishte e lehtë. Por një episod nuk prish një ndeshje të gjykuar mirë”.
