Sipas një raporti në Tribunën Amerikane ‘Herald’, lumenjtë Tliapa dhe Tlacuapa burojnë në malet e Verakruzit qendror në qytetet e Çokamanit dhe Kalkahuakos, afërsisht 18 kilometra larg njëri-tjetrit.
Lumenjtë rridhnin nëpër qytetin e Kordobës deri në momentin kur ishin hapur ca vrima, që e kanë ‘pirë’ ujin e lumenjve, duke i tharë pothuajse plotësisht.
Vrimat në fjalë janë hapur në largësi prej 1 kilometri nga njëra-tjetra, disa metra larg vendit ku bashkohen dy lumenjtë.
Kjo gjë mund të duket si një humbje vogël, marrë parasysh faktin që lumenjtë nuk kanë qenë të rrëmbyeshëm, mirëpo fakti që ata janë zhdukur brenda natës, përbën një shqetësim të madh për jetën e egër në Verakruz, që, sa për ironi të fatit, para dy muajsh ka përjetuar edhe zhdukjen e një lumi tjetër.
