Një bandë shqiptaro-spanjole e trafikimit të drogës është goditur nga policia spanjolle, në atë që mediat spanjolle e quajnë aksionin më të madhe në Europë brenda këtij viti, kundër trafikut të heroinës.
56 kilogram heroine me vlerë rreth 2 mln euro janë sekuestruar, raportojnë mediat spanjolle, duke cituar burime nga policia. Lënda narkotike u zbulua në qytetin Tui, e fshehur në një automjet.
Gjatë operacionit u arrestuan 12 persona, shqiptarë dhe spanjollë. Gjithashtu, u sekuestruan ndër të tjera: 350.000 euro, shtatë automjete, peshore, makineri të numërimit të parave, armë e municione, në zonën e Pontevedra-s dhe Barceloana-s, ku jetonin pjestarët e grupit.
Hetimet kishin filluar që në në korrik të viti të shkuar.
