Edhe kandidatja Hilari Klinton për presidencialet amerikane, në krahun e demokratëve, u ka kërkuar britanikëve mosdaljen nga Bashkimi Europian.
Klinton ka bërë të qartë në fjalën e saj se në rast të fitores së saj ajo do të ishte një mbështetëse e madhe e Britanisë, e bashkëpunimit transoqeanik që sipas saj është shumë i rëndësishëm. Ajo është shprehur do të donte që Britania të ishte plotësisht e përfshirë brenda BE-së, me një zë të fortë, si dhe udhëheqëse e debateve të ndryshme brenda BE-së.
Qëndrimi i Klintonit është në sinkron me atë që ka deklaruar edhe Presidenti Obama në konferencën e përbashkët me kryeministrin britanik, David Kameron.
