Çfarë do të bësh në jetë? Boh, dua të punoj sa më pak të jetë e mundur. Diana Bancale, 33-vjeç, e zënë në kurth në një punë me kohë të zgjatur, të mërzitshme dhe mbytëse, u përgjigjej kështu atyre që e pyesin se çfarë donte të bënte në të ardhmen.
Ishte e nënshtruar ndaj këtij fati, derisa një ditë vendosi të japë dorëheqjen dhe të ndjekë pasionin e saj të vërtetë: Të nisej e vetme drejt desinacioneve të largërta. Sot Diana është një blogere udhëtimesh dhe sajti i saj “Në udhëtim e vetme” ofron këshilla për aventurirët si ajo, duke treguar eksperiencat e saj.
Të udhëtuarit u bë puna e saj, një punë që, siç tregon Diana për Huffington Post, “e bën të ndihet e lirë”.
Nga Kanadaja në Hawaii, nga Greqia në Spanjë, sot Diana shëtit botën duke siguruar të ardhura nga kompani dhe ente turizmi, me anë të publicitetit që i bën në blogun e saj, ose duke shkruajtur artikuj udhëtimesh për gazetat online. Ajo gjithashtu punon si menaxhere e rrjeteve sociale për disa kompani.
“A e dini se mund të jetoni edhe pa ndenjur tetë orë në një karrige? Dhe që është e mundur që të bësh një punë që dashuron? Nëse e dini, jeni me fat”, shprehet 33-vjeçarja.
