Tumori në kokë i merr shikimin 5 –vjeçares, nëna kërkon 50 mijë euro për shpëtimin e saj

Është vetëm 5 vjeç, por jeta i ka rezervuar një mision të vështirë për të përballuar.

Kjo është Olesia nga qyteti i Korçës e cila edhe pse në një moshë kaq të vogël po përballet me një sëmundje të rëndë e cila i ka shkaktuar asaj dy operacione të vështira. Fillimisht u mendua se vogëlushja kishte nevojë për syze optike por mjekët zbuluan se nuk ishte kjo.

Pas një sërë vizitash mjekët konstatuan se 5­vjeçarja vuante nga tumori në kokë, i cili i ka marrë asaj 80% të shikimit.

Në gjendje shoku dhe mes dhimbjes së madhe, nëna e Olesias apelon për ndihmë, pasi operacioni i radhës kushton 50 mijë euro dhe ndërhyrja do t’i shpëtonte vogëlushes jetën, ndërsa shikimi do t’i kthehej plotësisht. Operacioni është caktuar të kryhet në Greqi më datë 18 maj. Përballimi i dy operacioneve nga prindërit e 5­vjeçares u krye me sakrifica ndërsa ndërhyrjet e tjera i ka gjunjëzuar ata pasi mundësitë ekonomike janë të pamundura. Burimi: Balkan web