Një nga deputetët më të vjetër të Kuvendit të Shqipërisë, Namik Dokle, prej 25 vitesh në kryesinë e PS-së është tërhequr nga votimi.
Gjatë mbledhjes së Asamblesë Kombëtare të PS-së, Namik Dokle, ka thënë se ai nuk do të jetë më anëtar i Kryesisë së Partisë Socialiste.
Refuzimin Dokle e argumentoi duke thënë: “Kam 25 vjet që jam në Kryesi dhe nuk kam lëvizur, kam qenë i vetmi që nuk kam lëvizur”.
Ashtu si pjesë e Kryesisë së PSsë, Dokle gjithashtu është deputeti me më shumë mandate gjatë periudhës pluraliste. Por, vajza e deputetit Anika Dokle me profesion mjeke indirekt e ka cilësuar tërheqjen e të atit si “ruajtje nderi”. “Dinjiteti nuk negociohet. Ai është nderi i familjes”, ka postuar Anika, e cila është një aforizëm e Vartan Gregorian. Pak minuta më pas, ajo postoi një tjetër thënie: “Sa më shumë libra, aq më shumë të lirë”
