Bizesmeni, Nikollaq Neranxi, është shpallur në kërkim nga policia e Tiranës pasi akuzohet se ka sharë dhe ka ofenduar shërbimin e policisë.
Policia ka shkuar në zyrën e tij për të bërë arrestimin por nuk e ka gjetur bizesmenin, i cili është larguar në drejtim të paditur.
Neranxi, ditën e sotme, ka patur një incident rreth orës 16 e 10 me shërbimet e Komisariatit të Policisë nr 6.
Policia pasi ka konstatuar disa mjete të parkuara në mënyrë të parregullt në rrugën dytësore të autostradës Tiranë – Durrës, ka filluar të vendosë masa administrative ndaj këtyre mjeteve, por është kundërshtuar, sharë dhe ofenduar gjatë kryerjes së detyrës, nga shtetasi N. N.
Menjëherë shërbimet e Policisë kanë marrë masa për shoqërimin e këtij shtetasi por janë penguar nga dy rojet e tij të cilët janë shoqëruar në ambientet e Komisariatit të Policisë nr. 6
Po punohet për gjetjen dhe shoqërimin e N. N. dhe sqarimin e plotë të rrethanave”, thuhet në një njoftim të policisë.
Bold News
