Departamenti Amerikan i Shtetit i kërkon në mënyre ultimative presidentit maqedonas Ivanov të tërheqë amnistinë për politikanët.
Gjatë pyetjeve të gazetarëve, drejtoresha për shtyp e Deparmantit Amerikan të Shtetit, Elizabet Trudo edhe njëherë është prononcuar në lidhje me gjendjen në Maqedoni, transmeton Zhurnal.
”SHBA dhe BE edhe njëherë treguan shqetësimet e tyre për rëndësinë e zgjedhjeve të besueshme në Maqedoni, koha është e shkurtë por ngelen edhe shumë punë për t’u bërë. Kërkojmë fuqishëm nga presidenti Ivanov të shfuqizojë vendimin për amnisti dhe të lejojë Prokurorinë Speciale dhe gjykatat të bëjnë punën e tyre”, tha Trudo.
Ditë më parë presidenti Ivanov amnistoi politikanët nga proceset e ndryshme penale. Sipas tij kjo do të kontribuonte në zgidhjen e krizës politike në vend dhe do të rriste bashkëpunimin mes partive. Por ky vendim i Ivanov shkaktoi edhe protesta të dhunshme nga qytetarët në Shkup.
