Më shpejt policia shpalli në kërkim një biznesmen të ndershëm dhe luftëtar për lirinë ekonomike se ata që vejnë gjoba apo kërcënojnë profesorët.
E pakuptimtë a thua se Neranxi kishte marrë automatikun në dorë e po luftonte. Mjaftonte një kërkesë për sqarim dhe Neranxi do ishte paraqitur, se ka miliona investime në këtë vend e nuk ka ku ti lërë. Shpallja në kërkim e një njeriu punëtor që është nga ata heronjtë e heshtur se punëson me qindra vetë është më të vërtetë një ogur i keq.
Si mund të vijnë investitorë të huaj kur policia pa një pa dy shpall në kërkim një shqiptar, qoftë edhe për gjobë automjeti, nuk është fare e justifikueshme është e dëmshme. Po sikur i mërzitur njësoj si Zirkoni të ike, të shesë biznesin dhe të mbyllë punë? Punëtorët kush do ti paguajë, po sigurimet e këtyre punonjësve kush do ti shlyeje?
Për mua është i turpshëm një veprim i tillë…
Me vjen keq me ata që shkruajnë është shpallur në kërkim, një punëtor, një investitor, një biznesmen i rregullt me taksat e shtetit, me sigurimet e punëtorëve. Me një ekzaltim komplet të pajustifikuar, a thua se e kapën me drogë apo ka vrarë njerëz. Skandal!
Ende policia nuk ka guxim të emetojë një fotografi, të një të arrestuari, me Neranxin është treguar shumë trime, sa keq, për ata që e drejtojnë polcinë. I mëshiroj.
Njeriu që me anë të një gjyqi në Gjykatën Kushtetuese shpëtoi jo vetëm biznesin, por edhe një konfrontim të mundshëm të biznesit me tatimoret, të tregtarëve me shtetin, të investitorëve me qeverinë, sot ndalohet si delinkuent.
Kjo është kur policia të prish festën e investimit dhe të punësimit të atyre qindra të rinjve që po merrnin pjesë në festën e organizuar për një investim të ri, për një produkt të ri Made in Albania.
Tani qytetarë shpëtuat, e keqja u zgjidh, Nikollaqi u arrestua, hajde të festojmë.
