Na kanë bërë të bësojmë se dashuria, ajo e vërtetë, vjen vetëm njëherë dhe para të 30-ave.
Por nuk na kanë mësuar se dashuria nuk vjen në një orë fikse.
Na kanë bërë të besojmë se secili prej nesh është gjysma e një portokalli e se jeta merr kuptim vetëm kur arrijmë të gjejmë gjysmën tjetër.
Nuk na kanë mësuar që rritemi së brendshmi, që kurrë dhe askush në jetën tonë s’meriton të mbajë mbi supe përgjegjësinë të plotësojë atë që na mungon: Rritemi me veten tonë! Nëse jemi në shoqëri të mirë, kjo është thjesht më e pëlqyeshme.
Na kanë bërë të besojmë tek një formulë “dy në një”: Dy persona që mendojnë njësoj, veprojnë njësoj, që vetëm kjo mënyrë mund të funksiononte.
Nuk na kanë thënë që kjo ka një emër: Tretje. Se vetëm duke qenë individë me një personalitet të vetin na lejon të kemi marrëdhënie të shëndetshme.
Na kanë bërë të besojmë se martesa është detyrim dhe që dëshirat që nuk i shkojnë për shtat asaj duhet të shtypen.
Na kanë bërë të besojmë se njerëzit e bukur dhe elegant janë ata që duhet të dashurojmë, që ata që bëjnë pak seks jetojnë me të vjetrën, e që në fakt ata që bëjnë shumë nuk janë të besueshëm, e që do të ketë gjithmonë një “këpucë të vjetër për një këmbë të shtrembër”. Vetëm se nuk na kanë thënë që ekzistojnë më shumë mendje “të shtrembra” se sa këmbë.
Na kanë bërë të besojmë se ekziston një formulë e vetme për lumturinë, e njëjta për të gjithë. Nuk na kanë thënë se këto formula nuk funksionojnë, i frustrojnë njerëzit, i tjetërsojnë dhe që ka alternative të tjera.
Ah, nuk na kanë mësuar që askush, asnjëherë nuk do të na i thotë të gjitha këto.
Secili prej nesh do ta zbulojë vetë. Kjo do të ndodhë kur të jesh shumë i dashuruar me veten, mund të jesh mbi të gjitha i lumtur dhe mund të duash dikë. John Lennon.
Burimi: Donne.co
