Një 27 –vjeçar ka gjetur vdekjen si pasojë e një aksidenti të rëndë me makinën e tij, mesditën e sotme.
Makina ka rënë nga 50 metra lartësi në një humnerë në aksin LuftinjeBuz në ish Komunën Luftinjë të rrethit Tepelenë.
Klodian Sinomati udhëtonte së bashku me të ëmën e tij Valentina Sinomati dhe një të afërme nga Luftinja në drejtim të Tepelenës me mjetin e tij tip Toyota me targa AA586AP.
Drejtuesi i mjetit, mendohet se ka humbur drejtimin në momentin kur është gjendur poshtë humnerës në një lartësi 50 metra.
Dëshmitarët në vendngjarje i kanë dhënë ndihmën e parë të riut dhe të afërmve të tij. Ambulanca e vonuar ka bërë që i riu të humbë jetën për shkak të hemoragjisë së madhe dhe mungesës së asistencës ambulatore. Ndërkaq, janë transportuar në gjendje kritike e ëma e të aksidentuarit së bashku me pasagjeren tjetër.
