Dalja e diskutimeve të deputetëve jashtë axhendës së Parlamentit, bëri që kreu i grupit parlamentar socialist t’i kërkojë kreut të Kuvendit të zbatojë me përpikmëri rregulloren.
Lidhur me shqetësimet e ngritura nga demokratët për zgjedhjet në Universitete, Ruçi u tha kolegëve të opozitës të thërrasin në inerpelancë Ministrat për çështjet që i shqetësojnë dhë të mos shpërdorojnë foltoren.
“Nuk e merrni vesh që ka instrumenta parlamenti për të vënë mazhorancën para përgjegjësisë. Dini ju të kërkoni interpelancë me Ministrat përkatës apo nuk dini. Keni tre vjet, se keni përdorur asnjëherë këtë instrument parlamentar. Pse na e shpërdoroni kohën?Është shpërdorim kohe, mosplotësim i funksioneve.Kërkoi inperpelancë urgjente zotëri! (i thotë Nokës). Zoti.Kryetar të zbatohen procedurat parlamentare që deputetët të jenë brenda axhendës së parlamentit, brenda kohës së tyre dhe ne këtu nuk jemi gurë varri që të dëgjojmë çfarë ëndrrash shikojnë tërë natën përfaqësues të opozitës dhe të zbrazen në parlament dhe të shpërdorojnë foltoren dhe seancën e parlamentit.”– deklaroi Ruçi.
Pas ndërhyrjes së Ruçit, kryeparlamentari Meta la sallën e kuvendit ndërsa nuk mungoi kundërpërgjigjia e Palokës.
“E vetmja habi këtu është që ky vend po shkon drejt rrënimit, jo vetëm ekonomik, moral dhe politik por ka arritur deri në atë pikë sa krimi i shullazëve që drejtojnë këtë Qeveri kërcënoi dhe Universitetin dhe zotit. Ruçi i duket habi se kjo çështje ngrihet në Parlament. Kjo është absurdja që ndodh në këtë Parlament.Nuk mund të bëjmë sikur nuk ka ndodhur asgjë kur shefi juaj i vërtetë është futur pa dijeninë e shefit tuaj të zgjedhur me referendum në burg dhe ne të bëjmë sikur nuk ka ndodhur asgjë. Duhet të shqdetësoheni dhe ju, jam i bindur se jeni i shqetësuar, por uroj të mos jetë i njëjtë me shqetësimin e Ramës dhe Tahirit.”– u shpreh Paloka.
