Emërimi i Michael Owen si ambasadori i parë ndërkombëtar i klubit të Liverpool, nuk është pritur shumë mirë nga tifozët në “Anfield”, ku pjesa më e madhe e tyre nuk ka harruar faktin që sulmuesi ka veshur edhe fanellën e Manchestester United. Roli i ambasadorit do të thotë se Owen do të udhëtojë në vend të ndryshme të botës, duke përfaqësuar klubin e Liverpool në evente komerciale dhe sociale.
Owen u rrit në ekipet e moshave të Liverpool dhe luajti për shtatë sezon me skuadrën e parë duke shënuar 158 gola në 297 ndeshje. Ai ishte pjesë e ekipit të fitoi tre trofe në vitin 2001. Michael Owen ka shënuar 158 gola në 297 ndeshje me Liverpool Gjithsesi, largimi i Michael Owen nga Real Madrid në vitin 2004 dhe më pas kalimi te Manchester United, ku fitoi Premier League në vitin 2011, nuk ka lënë një shije të mirë te tifozët e Liverpool. Një pjesë e madhe e tifozëve kanë komentuar pikërisht në komentin zyrtar të klubit “të kuq” ku njoftonte se Owen do të ishte përfaqësues i këtij ekipi.
Pati komente të tilla si “Marrëzi, një gjarpër do të jetë ambasadori ynë” dhe komente të tipit “Michael Owen i Manchester United? Jo, faleminderit. Klubin e përfaqëson më mirë El Hadji Diouf.” Pas kthimit nga Spanja, Owen shkoi te Manchester United, rivalët historik të Liverpool Megjithatë, Owen mbetet i vetmi futbollist i Liverpool që është shpallur si më i miri në Europë, duke marrë “Topin e Artë” në vitin 2001. Emërimi i tij si ambasador u bë në ditën e 20-vjetorit të debutimit të tij me ekipin e parë. “Si tifoz i përjetshëm i Liverpool jam i nderuar dhe shumë i lumtur që klubi më ofroi mundësinë për të qenë përfaqësues i tij në evente të ndryshme nëpër botë. Familja e Liverpool është më e madhja në botë dhe ndihem krenar që do të jem përgjithmonë pjesë e saj” – deklaroi Owen.
