Kuvendi ka votuar seancën e sotme përbërjen e dy komisioneve hetimore për çështjen “CEZ”. Mazhoranca dhe opozita do të drejtojnë secila nga një komision hetimor.
Në krye të komisionit hetimor të mazhorancës do të jetë deputeti Taulant Balla.
Ndërsa të atij të opozitës, nënkryetari i Kuvendit dhe njëkohësisht i PD, Edmond Spaho.
Dy komisionet do të kenë edhe objektiva hetimore të ndryshme.
Opozita do të hetojë marrëveshjen e zgjidhjes së kontratës me CEZ, ndërsa mazhoranca do të ketë në fokus lidhjen e kontratës së privatizimit të OSSHE në vitin 2009-ë.
