Mats Hummels duket se do të largohet nga Borussia Dortmund në fund të sezonit me Bayern Munich që është në garë me klubet kryesore të Premier League për të marrë shërbimet e mbrojtësit. 27-vjeçari, i cili ka përfunduar në listën e pazarit të ekipeve elitare europiane dhe një intervistë “emocionale” ku pohoi: “I kam vënë vetes një datë në të cilën më duhet të vendos të ardhmen, – tha Hummels për “Sky Sports”, menjëherë pasi skuadra e tij fitoi në gjysmëfinalen e Kupës së Gjermanisë ndaj Hertha Berlin. – Eshtë një vendim shumë i vështirë për mua.
Po humbasë gjysmën e orëve të gjumit çdo natë, vetëm duke menduar për të ardhmen. Kur në fund të marrë vendimin, njerëzit do të kuptojnë përse është kaq e vështirë.” Hummels luan prej 8 vitesh me Borussia Dortmund Kontrata e Hummels me Dortmund skadon në qershorin e vitit 2017 dhe kjo do të thotë se Borussia është e detyruar ta shesë me parametër zerro, për të mos e humbur gratis një vit më vonë. Klube të tilla si Arsenal, Chelsea dhe Manchester United nuk e kanë mbajtur asnjëherë sekret admirimin për futbollistin që doli kampion bote në vitin 2014 dhe që gjithashtu ka përfunduar në radarët e Barcelonës. Megjithatë, duket se gjermanët e Bayern Munich janë favorit për të marrë shërbimet e lojtarit. Hummels ka një kontratë me Dortmund deri në qershor 2017
Duke folur për “SportBild”, Hermann Hummels që është njëkohësisht babai dhe menaxheri i fundit tha se djali i tij nuk do ta përjashtonte mundësinë e kalimit te Bayern. “Ky është një nga vendimet më të mëdha në karrierën e Mats, – tha Hermann Hummels. – Eshtë si një grua 30 vjeçare që duhet të vendosë nëse do të ketë fëmijë apo jo. Nëse do të largohet nga Dortmund do të firmosë për një nga pesë apo gjashtë klubet më të mëdha të botës dhe Bayern Munich është një prej tyre.” Hummels u shpall kampion bote me Gjermaninë në vitin 2014 Hummels qëndroi për 13 vjet në ekipet e moshave të Bayern Munich dhe debutoi në skuadrën e parë nën drejtimin e Ottmar Hitcfeld në vitin 2008, por u detyrua të largohej nga bavarezët sepse nuk kishte vend në formacionin.
Në vitin 2012, ai rinovoi kontratën me Dortmund duke refuzuar oferën e Bayern. Lidhja e tij emocionale me klubin bavarez u ndërpre në momentin që Bayern largoi nga puna babain e tij Hermann, i cili kishte punuar për 17 vjet si trajner moshash në Mynih. Mats Hummels ende nuk e ka vendosur të ardhmen e tij Bayern duhet të mposhtë konkurrencën e klubeve angleze që gjithashtu janë gati të paguajnë deri në 50 milionë euro, shuma që Borussia kërkon për futbollisti e kombëtares gjermane. Dortmund nuk ka hequr dorë as nga mundësia që qendërmbrojtësi të qëndrojë në “Signal-Iduna-Park”. Gjatë kësaj jave, drejtori sportiv i Dortmund, Hans-Joachim Watzke, pohoi: “Unë do të luftoj për të mbajtur Mats në skuadër, – tha Watzke. – Unë personalisht do të luftoj më shumë se kam luftuar ndonjëherë për një futbollist.”
