Kryeministri Edi Rama iu është përgjigjur në Kuvend akuzave të opozitës në lidhje me Emiljano Shullazin. Rama ka thënë se ai u arrestua nga policia, ndërkohë që Prokuroria nuk ka dhënë autorizim për përgjimet ndaj tij. Por Boldnews.al raportoi pak ditë më parë se policia u gjend në befasi nga prokuroria e cila dorëzoi urdhër-ndalimin për Shullazin dhe dy anëtarët e tij.
“Ju po bëni sikur e keni arrestuar ju Shullazin. Ndalimi është bërë nga policia, e cila ka filluar procedurën pa pasur një denoncim konkret, por duke u nisur nga një indicie e paprovuar. E ka ndaluar dhe ka kërkuar nga prokuroria autorizimin për arrestim dhe e ka marrë autorizimin pas mesnate. Policia ka kërkuar autorizimin nga prokuroria për të vendosur nën përgjim këtë njeri dhe nuk e ka marrë,” tha Rama.
Akuzave për lidhjen me krimin, Rama tha se një njeri i lidhur me krimin, nuk pritet në Shtëpinë e Bardhë.
