Mbi Blatter ka shumë histori shumëngjyrëshe. Por që ish-presidenti i Fifa-s të ishte bërë njëherë spiun dhe të ketë qenë në një mision të fshehtë, padyshim që do të habiteshin të gjithë…
Historia e çmendur gjendet në librin e sapo botuar “Sepp Blatter – Misioni & Pasioni për futbollin”. Pra quajeni ndryshe Agjenti 007 Blatter. Kjo ishte detyra e fshehtë e Blatter: Në vitin 2015 ai duhet të ndihmonte për të rrëzuar nga froni presidentin e Burundit Pierre Nkurunziza-n sepse shteti afrikan ndodhej në prag të një lufte civile.
Vetëm gjatë shtatorit humbën jetën 400 njerëz gjatë trazirave, vrasje ndaj kundërshtarëve të regjimit si dhe ndaj forcave të sigurimit ishin në axhendën e despotit që ishte në krye të vendit. Në atë moment Sepp Blatter, në emër të departamentit federal të punëve të jashtme (EDA), duhet ta joshte te Fifa presidentin në vitin 2015. Siç raporton edhe gazeta zvicerane Blick, sekretari i departamentit të punëve të jashtme Yves Rossier thuhet t’i ketë vënë detyrën për ta ndaluar Nkurunziza-n të kandidojë për një katër vjeçar tjetër në krye të vendit të tij.
Edhe “EDA” e ka konfirmuar ngjarjen. Sipas Blatter, despotit të Burundit i është ofruar një post në Fifa. “Si ambasador i futbollit afrikan, ose në të gjithë botën.” Por misioni i fshehtë dështoi, presidenti i Burundit e refuzoi ofertën e Blatter dhe vazhdoi të sundonte mbi Burundin e përgjakur.
