Një prostitutë në Itali bashkë me klientin e saj ishin duke kryer marrëdhënie seksuale në momentin kur dy shqiptarë i kanë grabitur dhe dhunuar.
Pasi janë denoncuar në polici, dy shqiptarët janë arrestuar nga policia italiane. Sipas mediave italiane në pranga u vunë dy shtetas shqiptar identifikuar si Besim Capa, 21¬vjeç dhe Jetmir Neziri, 27¬vjeç të dy pa leje qëndrimi në Itali.
Pas hetimit, policia ka bërë me dije se dy shqiptarët kishin grabitur me dhunë një prostitutë dhe mashkullin që ishte në shoqërinë e saj. Gruaja, jo italiane, që ushtronte prostitucion ka treguar në polici se dy shqiptarët i janë afruar befas, e kanë dhunuar me shkopinj klientin e saj, i kanë marrë portofolin dhe më pas i janë sulur edhe asaj për t’i marrë paratë. Të arrestuarit u shoqëruan në polici dhe pritet të dalin para drejtësisë.
