Deri më sot kur u pa duke dalë nga Gjykata e Krimeve të Rënda për Emiliano Shullazin nuk kishte pamje dhe as foto.
E vetmja foto që qarkullonte në gjithë mediat është ajo e bërë në vitin 2006, kur ai u arrestua nga policia, për një ndër akuzat e shumta me të cilat është përballur shpeshherë eksponenti i lartë i botës së krimit gjatë dekadës së fundit.
Gjatë momentit të shoqërimit në vitin 2006, bashkë me të policia ka shoqëruar edhe një femër.
Nga raportimet e kohës mësohet se ajo ishte Elona Fuga, dhe ishte e dashura e Emiliano Shullazit.
Në këtë foto ajo shihet duke dalë nga Gjykata e Faktit e Tiranes në vitin 2006, ku ajo morri masën e sigurisë detyrim paraqitje, pasi mbi të rendoi vetëm akuza për kundërshtim të forcave të policisë.
Nuk dihet nëse femra në fjalë është apo jo ende në krah të Shullazit, megjithatë asokohe lajmi i shoqërimit të saj nuk kaloi pa bërë bujë. /Mapo
