Në kohën kur mbarë opinioni “zien” për rastin e kërcënimit të kandidatit për rektor të Universitetit të Tiranës, Mynyr Koni, nga ana e Emiljano Shullazit, ish- kryeministri Sali Berisha denoncon një rast të ri.
Sipas Berishës, një pedagog i Universitetit të Vlorës, denoncon deputetin Koço Kokëdhima se po ushtron presion ndaj kandidatit për rektor të Universitetit të Vlorës, Prof. Dr. Shkurtit, i cili detyrohet të tërhiqet nga gara.
“Koçua sjell një fanatik të tij nga Gjirokastra për Universitetin e Vlorës. I bëj thirrje prokurorisë të hetojë me seriozitetin më të madh shkaqet e dorëheqjes nga gara të Prof. Dr. Bilal Shkurtit dhe të ndëshkojë me forcën e ligjit çdo presion që mund të jetë bërë ndaj tij”, shkruan Berisha.
Mesazhi i pedagogut çuar Sali Berishës
“I Nderuar Doktor! Ju ndoqa me vëmendje në konferencën tuaj për shtyp, si pedagog i brendshme i Universitetit të Vlorës, ju vlerësojmë maksimalisht që përcollët zërin e qindra pedagogëve që sot ndihen të kërcënuar nga kjo diktaturë e pashembullt krimi. E njëjta situatë është dhe në Vlorë, para disa ditësh nga gara U tërhoq dhe Prof Bilal Shkurti i majtë, por jo pjesë e bandës së horave, Prof. Bilali u kërcënua nga vet Koço Kokëdhima pasi po mbështet mikun e tij dhe të Prefektes Roland Zisin, sot i vetmi kandidat në garë. Ju as e imagjinoni presionin që po ushtrohet në universitete këto ditë.
Personalisht Kokëdhima (njëlloj si Shullazi )e ka kërcënuar Prof. Bilalin duke i thënë : “lufta ime me ty nis sot, nëse nuk tërhiqesh nga gara deri nesër do të bëj të ikësh nga Vlora për 24 orë”. Pasi pa mbështetjen që kishte Bilali, jo vetëm nga ish rektori Qarri, por dhe nga gjithë stafi akademik. Vetëm nëse Koço do e kërcënojë për ta përgënjeshtruar, por vetë Bilali ndihet tepër i frikësuar e zhgënjyer duke thënë paskam mbështetur një bandë e jo PS-në. Si mund të vij një kandidat nga Gjirokastra për të drejtuar Universitetin e Vlorës, sepse kështu do baroni i jugut Koço Shullazi. Me konsideratë D.P!”
