Një denoncim është bërë nga një kushuri i vajzës që u gjend e vdekur brenda në një bunker bashkë me Agim Madanin në Tropojë.
Ai akuzon policinë e Tropojës që nuk e ka nxjerrë indentitetin e vajzës dhe se ndaj saj nuk është marrë asnjë masë pë mbrojtje nga viktima Madani. më tej ai thotë se Madani e kishte rrëmbyer vajzën.
Nëse kufoma e mashkullit i përket Agim Madanit, kaçakut që ishte kthyer në tmerrin e Tropojës dhe Pejës në Kosovë, trupi i femrës nuk dihet se i kujt është.
Fillimisht ka pasur spekulime se trupi i përket bashkëshortes së Madanit.
Por një denoncim i bërë tek JOQ ngre një tjetër pistë dhe rrëfen një histori të trishtë.
“Sa i përket ngjarjes së fundit në Tropojë, gjithë Tropoja i njeh kush kanë qenë këta persona. Shteti deklaron se njëri ka qenë Agim Madani, por nuk dihet kush është femra. Pse vallë Policia e Tropojës nuk e tregon? E them me sinqeritetin më të madh se ata e dinë se kush është ajo, siç e dimë të gjithë tropojanët. Ajo ka qenë një vajzë nga fshati Shoshan dhe unë e kam kushërirë. Familja e saj është shumë e varfër dhe ajo shkonte të jetonte tek motra e saj në fshatin Kamenicë. Motrën e ka të martuar me djalin e Beqë Ukës. Viktima Agim Madani kalonte nëpër këtë fshat për të shkuar në Kosovë. Aty e ka njohur vajzën dhe e ka rrëmbyer. I ndjeri Beqë Uka ka vdekur në verën e vitit 2015. Por në muajin maj dhe prill të atij viti ai e ka denoncuar humbjen e vajzës në polici dy herë. Por Policia e Tropojës nuk e ka vënë ujin në zjarr për të marrë masa për këtë punë. Por mbi të gjitha janë tallë me personin në fjalë, duke i thënë se ta ka marrë, por do ta sjellë prapë sepse janë në muajin e mjaltit”.
