“Xhihadisti”: “Për kë terrorizëm flet Rama”, shtyhet vendimi për imamët

Gjykata e Krimeve të Rënda nuk e ka dhënë vendimin e saj, që ishte parashikuar ditën e sotme, ndaj imamëve, të cilët akuzohen se kanë rekrutuar njerëz për t’i dërguar më pas në Siri.

Shkak për këtë është bërë mungesa e një prej të pandehurve.
Megjithatë, seanca vazhdoi ku i pandehuri Gerti Pashja foli për akuzat ndaj tij. Ai akuzoi qeverinë se po bën gjyq politik dhe se ka ushtruar presion ndaj tij. Gjithashtu, ai akuzoi Komunitetin Mysliman si vegël politike dhe deklaroi se nuk e njeh këtë institucion. Pashja kërkoi edhe ndërrimin e avokatit të tij mbrojtës, pasi sipas tij ai nuk e përfaqëson. “Për kë terrorizëm flet Rama?”, tha Pashja në gjyq. “Po na dënoni për t’i bërë qejfin Amerikës se nuk ju jep viza”, akuzoi ai. “Kërkoj prova të reja dhe që çështja të rihapet”, vijoi më tej Pashja.