Kreu i Këshilltarëve demokratë, Leonard Olli i ka drejtuar 5 pyetje kreut të Bashkisë së Tiranës, Erion Veliaj për projektet e tij për kryeqytetin. Sipas Ollit, Veliaj promovon projektin e urdhëruar nga Rama dhe pa asnjë alternativë.
“Edhe pse ligjërisht nuk ka asnjë informim Këshilli Bashkiak për planin urbanistik, Veliaj vijon të promovojë projektin e urdhëruar nga Rama dhe pa asnjë alternativë. Por, duke ndjekur pseudodëgjesat e tij natyrshëm vijnë 5 pyetje për Veliajn. A ka kullë ky projekt mbrapa pallatit të kulturës? A ka kulla tek hyrja e liqenit? A ka kulla tek Sheshi Skënderbej? Po te liqeni a ka beton? Apo janë vetëm ashkla ekologjike e dru sikundër u përbetua se do të kishte?! A është Erinoi sot shembulli me i keq i betonizimit dhe Mafias së lidhur me te? Pa diskutim po. Më keq dhe se tutori i tij, urdhëruesi dhe zbatuesi ‘de facto’ i betonizimit!”, deklaron Olli.
