Disa muaj më parë në rrugët e Tiranë qytetarët janë ndeshur me disa makina të reja policie, tip BMË në kuadër të rigjenerimit të policisë së shtetit.
Deri në këtë pikë gjithçka është në rregull, për sa kohë që edhe keqbërësit zotërojnë makina të shpejta.
Por më datë 1 prill ministri i Brendshëm, Saimir Tahiri u përball me një video të shfaqur nga emisioni “Stop”, ku iu tregua një makinë policie BMË me targa false të një Opeli.
Ministri e kaloi me të qeshur duke u shprehur: “kësaj targe do i japim një makinë policie, kështu që do gjejmë një makinë Opel dhe do e bëjmë makinë policie”.
Përtej shakasë duhet ta pranojmë që makina e policisë lëviz me targa jo të vetat, ndoshta vjen për shkak të pilotimit.
“Do gjejmë një Opel Astra dhe do e bëjmë makinë policie”, tha ministri më datë 1 prill.
Por dje që shënoi data 18 prill makina e policisë me targa false vijon të qarkullojë nëpër kryeqytet, pa e shqetësuar askush.
Madje bën 2 herë shkelje duke parkuar në vendet e rezervuara për taksitë.
