Rachel, një mësuese në një shkollë në Sidnej, është i lumtur që e përdorë një celular të tillë. Celulari i saj është një model i vjetër Nokia – për të cilin nuk është e sigurt se çfarë modeli është.
Arsyeja pse po e përdorë këtë celular është për të mos pasur qasje në internet. Ajo ka internet në shtëpi, por nuk e sheh të arsyeshme që të ketë internet kudo që shkon.
“Nuk jam e interesuar që të kem qasje në internet kur jam duke ecur në rrugë”, tha ajo.
Ajo shtoi se fëmijët në shkollë i thonë se celulari i saj i vjetër në fakt është mjaft i mirë.
Antony, 28 vjeç, një avokat në Sidnej, tha se nuk përdorë celular të mençur për shkak se nuk dëshiron të shpërqendrohet nga interneti. “Nuk më pëlqen që të jem online gjatë gjithë kohës”, tha ai.
Një tjetër shtetase australiane, Jahnine Skaif, tha për Mashable se e përdorë një celularë të vjetër Nokia për shkak se e vlerëson shumë privatësinë e saj – dhe se nuk dëshiron që të pengohet nga të tjerët.
Ajo thotë se nuk dëshiron që të tjerët ta dinë se ku është ajo gjatë gjithë ditës ose natës. Në fund, ajo thotë se dizajni i celularit të saj të vjetër është më i mirë se i celularëve të mençur.
“Është i vogël dhe e dua. Nuk e kuptoj pse njerëzit dëshirojnë ta mbulojnë gjysmën e fytyrës me një iPad të ngjitur në të?”, shtoi ajo me ironi.
Për më tepër, ky lloj i celularëve po shihet si më i sigurt, me pamundësi për t’u përgjuar nga dikush.
