Itali/ Një shqiptar pasi ka ngacmuar një vajzë në një bar është hasur me kundërshtinë e baristit, i cili i ka kërkuar të largohej nga ambienti.
Nën kërcënimin e armës shqiptari ka qëlluar në ajër e më pas është larguar. Pas kësaj, baristi italian e ka ndjekur me automjetin e tij ku e ka përplasur automjetin e shqiptarit. Si italiani dhe shqiptari janë vënë në pranga nga policia italiane.
Ngjarja:
Kjo ngjarje e pazakontë ndodhi mbrëmjen e kaluar në një bar në Maltignano të Italisë.
Rreth orës 22:30, një 26-vjeçar me iniciale A.L. ka ngacmuar një vajzë që ndodhej aty.
Baristi i kërkoi atij të largohej dhe të mos bezdiste klientët. 26-vjeçari u largua, por u kthye me një shqiptar në makinë.
Sipas medieve italiane shqiptari 24-vjeçar me iniciale A.L. qëlloi në ajër me pistoletë para hyrjes së barit.
Më pas dy të rinjtë u larguan me makinë, por baristi i ka ndjekur me makinën e tij.
Dy automjetet u përplasën më tej.
Italiani u arrestua menjëherë, ndërsa shqiptari tentoi t’ia mbathë në këmbë pasi hodhi një pistoletë aty pranë, por edhe ai u vu në pranga.
Të dy janë në arrest shtëpie, në pritje të procesit gjyqësor dhe akuzohen për kërcënim me armë zjarri.
Bold News
